/260/ EXERCITATIO XXXVII
Deducit Averrois opinionem et rationes
quod monstra non cadant sub Dei
providentiam.
Averroës, Alexandro in libro De fato adstipulans,
negavit sub divinam providentiam
cadere monstruosa. In libro namque 12. Metaphysicorum
ita loquitur: «Veritas est quod est sollicitudo
et quod aliqua sunt sine sollicitudine: proveniunt
ex necessitate materiae, non ex diminutione
agentis». Ipsius argumenta haec sunt.
Primum: Monstra sunt quid imperfectum.
Exclusa igitur a Dei providentia, quae perfectissime
cuncta operatur.
Secundum: Monstra proveniunt ex necessitate
materiae, ergo divinae providentiae non
subiiciuntur. Consecutio probatur: nam quae
ex necessitate eveniunt providentiam non
requirunt ex Aristotele, 6. Ethicorum, cap. 5.
Tertium: Providentiae est disponere ad finem,
ex Aristotele, ubi supra, cap. 12.; sed monstra
ad nullum finem sunt ordinata, igitur
nec a Deo praevisa.
Haec antequam dissolveremus, de monstrorum
causis et origine prius disserere operae
pretium duxi. Sit igitur.
Indice
|
Pagine introduttive |
|
EXERCITATIONES |